Sot në një seancë emergjente të Këshillit të Sigurimit të OKB, Shtetet e Bashkuara informuan Izraelin, palestinezët dhe palët e tjera të interesuara se janë të gatshëm të ofrojnë mbështetje “nëse palët kundërshtare duan një armëpushim”, në mënyrë që të ndalojnë dhe t’i japin fund dhunës në Gaza.
“Shtetet e Bashkuara kanë punuar pa u lodhur për t’i dhënë fund konfliktit përmes kanaleve diplomatike, pasi besojmë se izraelitët dhe palestinezët kanë të drejta të barabarta për sigurinë,” tha ambasadorja amerikane pranë OKB-së Linda Thomas-Greenfield, raporton Reuters.
Ministri i Jashtëm kinez Wang Yi, i cili kryesoi seancën e sotme, u bëri thirrje Shteteve të Bashkuara të:
“marrin përgjegjësi, të marrin një qëndrim dhe, së bashku me pjesën tjetër të bashkësisë ndërkombëtare, të mbështesin Këshillin e Sigurimit në qetësimin e situatës”.
