Janë ngritur disa dilema nëse Presidenti aktual i shteti, Gjorgje Ivanov, ka luajtur një taktikë në lidhje me të dënuarit në ngjarjet e Kuvendim më 27 prill, përshkak të fushatës zgjedhore. Cilat pasoja politike dhe ligjore do të kishin një vendim të tillë në ditët e fundit të mandatit të tij? Analisti Naser Ziberi, beson se një veprim i tillë do të komprimentoj edhe më tej Ivanovin dhe aq më shumë do të polarizoj shoqërinë maqedonase tashmë të ndarë thellësisht.
“Kjo do të thoshte shembjen e sundimit të ligjit dhe të sistemit ligjor, dhe është e mundur që presidenti i shtetit të vihet para drejtësisë. Duke marrë parasysh përvojën e së kaluarës nuk do të jetë befasuese nëse ai arrin të bëj një veprim të tillë, sepse ai është i paparashikueshëm dhe e dyta edhe vendimet e tij janë të bazuara në oportunitet politike, e jo në bazë ligjore”, tha analisti politik, Naser Ziberi
Në anën tjetër, analisti Aleksander Pandov tha se nëse ai do të ishte në vendin e Ivanovit do t’i falte të gjithë ata të akuzuar dhe të dënuar për ” të enjten e përgjakshme”.
“Njerëzit të cilët janë direkt fajtorë të parë që i kanë hapur dyert, për atë shkak ndodhi 27 prilli, ata janë falur dhe ata janë të lirë. Nga ana tjetër, njerëzit e thjesht patriot që vetëm janë thirrur në të gjithë atë situatë të politikës dhe në këtë mënyrë u futën në Kuvend, u dënuan me 12, 15, 18 vjet burg dhe për këtë arsye ka bërë një drejtësi selektive”, tha Pandov
Për “të enjten e përgjakshme,” u miratua ligji për amnisti , ku u përgjysmua numri i të pandehurve, mes të cilëve janë përfshirë edhe deputetët ku lejoi që Kuvendi për të kaluar ndryshimet kushtetuese, pas Marrveshjes të Prespës. Ata u dënuan, ishin 16 persona dhe morën dënime me burg prej një total prej 211 vjetësh.
Nga vila në Vodno konfirmojnë se nga presidenti është kërkuar amnisti, por nuk ka thënë se sa shumë kërkesa të tilla janë marra dhe nga cilët të burgosur. Ekspertët ligjorë, nga ana tjetër, janë të ndarë nëse Neni 11 i Ligjit për Falje ekziston në sistemin ligjor. Kjo është arsyeja pse shprehen ndryshe nëse Ivanovi ka të drejtë të përfundojë mandatin duke falur ata që nuk ishin të mbuluar nga ligji i amnistisë./ Zhurnal.mk
