A do të bëj PDK-ja koalicion me Vetëvendosjen? Flet Kadri Veseli

Kreu i PDK-së, Kadri Veseli, ka komentuar zhvillimet e fundit politike në vend, pas seancës konstituive të Kuvendit të Kosovës, ku u zgjodh kryeparlamentar Glauk Konjufca nga Vetëvendosje.Në një intervistë në Klan Kosova, Veseli tha se nuk u befasua nga ky veprim, përderisa pati kritika për negociatat për marrëveshjen në mes të LDK-së dhe VV-së.

Marketing

“Nuk u befasova për faktin se kemi pasur një proces zgjedhor, një rezultat zgjedhor. Ka qene i tillë verdikti i qytetarëve dhe pas certifikimit të rezultatit zgjedhor kemi ardhur tek një moment kur është dashur të zgjidhet Kryetari i Kuvendit dhe shpresojmë që të formohen institucionet sa më shpejt”, ka thënë Veseli.

“Zgjedhja sot e kryetarit të Kuvendit ishte proces legal dhe në aspektin kushtetues është në rregull. Por mënyra dhe gjerat që po na dalin tash nuk janë shumë pozitive dhe nuk janë korrekte”.

“Gati dy vjet u promovua ky koalicion dhe tre muaj pas zgjedhjeve s’ka asgjë. Kjo është më tepër se sa mashtrim, është tradhti. Ky është fillimi i dëshpërimit të qytetarëve. Kjo për faktin se tash po del se s’ka marrëveshje, po del se kanë dalë në pikën zero – se të gjitha ato qe i kanë trumpetuar ishin për përfitim elektoral”.

Veseli tha se Vetëvendosje dhe Lidhja Demokratike e Kosovës nuk diskutuan mbi temat dhe parimet, po se u morrën me ndarje të posteve.

“Tre muaj ditë çdo bisedë që e kanë bërë ishte merr dhe jep. Koalicioni i tyre është merr-jep. “Jo po ta jap një ministri më shumë, jo presidentin, jo drejtorin e AKI-së apo drejtorin e Policisë”.

Ai shtoi se VV dhe LDK nuk janë të gatshme të qeverisin me vendin dhe të përballen me sfidat që e presin Kosovën.

“Vetëvendosje ka shkuar drejt rrugës taktikisht që të mos marrë përgjegjësi duke menduar se përmes saj përfiton kohë, duke akuzuar dhe në të njëjtën kohë me i shiku sondazhet ndoshta po fiton. Ky është koncepti i Vetëvendosjes. Lëvizja Vetëvendosje për aq kohë sa ka turbullira ka me qëndrua”.

Marketing