Qeveria e Maqedonisë në mbledhjen e djeshme ka konstatuar se në Drejtorinë e të Hyrave Publike (DHP) nuk ka përfaqësim adekuat sipas Marrëveshjes së Ohrit.

Me këtë kjo drejtori është obliguar të përgatis Plan për përmirësim të situatës përmes marrjes së të punësuarve nga Sekretariati për implementim të Marrëveshjes së Ohrit.

Në sekretariatin qeveritar, përmes Marrëveshjes së Ohrit për përfaqësim adekuat janë punësuar 1600 persona. Në periudhën e ardhshme do të vlerësohet se sa nga ata do të fitojnë vend pune në DHP. Por nga ana tjetër ka nisur edhe faza e shpërndarjes së grupit të parë të gati 800 administratorëve nëpër institucionet shtetërore.