Një alarm për bombë ka terrorizuar Rostovin në Rusi, menjëherë pas përfundimit të ndeshjes mes Kroacisë dhe Islandës, që u luajt në stadiumin e këtij qyteti.

Policia ishte njoftuar për praninë e lëndëve shpërthyese në ambiente shërbimi si restorante e hotele dhe zbriti menjëherë në terren.

Forca të shumta policie, mjete zjarrfikëse dhe ambulanca, u stacionuan në pika kyçe të qytetit, ndërsa u mbyllën rreth 14 rrugë dhe u evakuuan shumë hotele e restorante.

Mediat raportuan për njerëz të shumtë që u nxorrën nga hotelet dhe qëndruan përreth 3 orë në rrugët e qytetit.

Gjithsesi pas një kontroĺli të detajuar, edhe me ndihmën e qenve nuhatës antieksploziv, rezultoi se alarmi ka qenë fals.

FIFA njoftoi se pjesëtarët e dy skuadrave janë të sigurt në rezidencat ku po qendrojnë dhe se nuk janë prekur nga evakuimi.

Artikulli paraprakPër 24 orë mblidhen paratë për Xhakën, Shaqirin dhe Lichtsteiner
Artikulli tjetërVazhdon mania me duar shqiponjë, i fundit është Mesiç