Ministri i ekonomisë në Gjermani, Peter Altmaier ka folur për rrugëtimin euro-atlantik të Maqedonisë së Veriut dhe Shqipërisë, duke thënë se ka përparim të dukshëm por duhet të fuqizohet lufta kundër korrupsionit, përcjell Telegrafi Maqedoni.

“Edhe pse ka përparim të dukshëm, ende nuk janë mbushur kriteret e kërkuara, që këto dy shtete të anëtarësohen në BE” tha sot Peter Altmaier në konferencën e përbashkët në Poznan të Polonisë.

“Bashkimi Evropian duhet që të sjell vendim me një zë dhe kjo është që ne e kemi si ide për dy vendet. Si ministër ekonomie, kërkoj stabilitet ekonomik tek të gjithë shtetet e kësaj bashkësie. Qytetarët e këtyre shteteve duhet të kenë jetë me perspektivë, punë dhe arsim të mirë” përfundoi Altmaier.

Përndryshe, sot në Poznan të Polonisë mbahet samiti për vendet e Ballkanit perendimor.

Foto: Arifoto Ug/Michael Reichel/dpa

Artikulli paraprakVMRO-DPMNE kërkon nga Prokuroria Publike të kërkojë paraburgim për Rashkovskin
Artikulli tjetërEkspertët: Zgjedhja e treshes së re evropiane shenjë e mirë për Maqedoninë e Veriut