Arrestohet një person në Tetovë, fotografoi fletëvotimin

Një incident në procesin e votimit është shënuar edhe në Tetovë. Rreth orës 15 e 50 minuta, në vendvotimin numër 1969, që ndodhet në hapësirat e Ndërmarrjes publike komunale të Tetovës, personi Vlladimir P, i lindur në vitin 1969, ka fotografuar fletëvotimin.

Marketing

Rasti është vërejtur nga kryetari i vend votimit me ç`rast edhe është kërkuar intervenim i pjesëtarëve të Sektorit të punëve të brendshme. Personi i lartë përmendur është arrestuar dhe po mbahet në paraburgim. Pas incidentit në fjalë, votimi ka vazhduar normalisht dhe pa ndonjë pengesë.

Përndryshe, personi në fjalë është i njohur për prishje të qetësisë dhe rendit publik edhe në disa raste më parë, me ç’rast në emër të tij janë ngritur gjashtë padi për kundërvajtje dhe dy padi penale, thonë burimet tona brenda SPB-së së Tetovës.

Marketing