Të nderuar qytetarë,

Bashkimi Demokratik për Integrim ju njofton që në përputhje me vendimet e sjellura në mbledhjen e fundit të Kryesisë si dhe të Këshillit të Përgjithshëm të Bashkimit Demokratik për Integrim, procesi i regjistrimit dhe i ri-regjistrimit të anëtarësisë së BDI-së ka filluar dhe do të vijojë gjatë muajit mars të këtij viti.

Kemi kënaqësinë t’ju ftojmë të anëtarësoheni dhe të bëheni pjesë e partisë më të madhe shqiptare në vend – Bashkimi Demokratik për Integrim.

Regjistrimi i anëtarësisë bëhet edhe online në www.bdi.mk ose në të gjitha këshillat vendor dhe degët e BDI-së në çdo vendbanim, si dhe në selitë e partisë në Tetovë dhe Shkup.

Bashkimi Demokratik për Integrim rihap dyert për të gjithë qytetarët që bashkërisht ta ndërtojmë BDI-në e dy dekadave të ardhshme si vlerë e përbashkët e të gjithë qytetarëve.

Të gjitha të arriturat tona ndër vite janë rezultat i kontributit tuaj dhe punës sonë të përbashkët.

Që nga fillimi, gjer më sot dhe gjithnjë edhe në të ardhmen, BDI-ja jeni ju.

Bashkangjituni!