Ministri i Ekonomisë Kreshnik Bekteshi realizoi takim pune me Kryetarin e Odës Ekonomike të Maqedonisë Veriperëndimore, Nebi Hoxha dhe Nënkryetarët Arsim Papraniku, Ejup Abdullai dhe si dhe me anëtaren e Odës, Qanije Selimi.

Qëllimi i takimit ishte forcimi i bashkëpunimit mes Odës dhe Ministrisë së Ekonomisë, në
drejtim të krijimit të masave dhe politikave për përmirësimin e kushteve të punës të
kompanive. Për atë qëllim, Oda Ekonomike e Maqedonisë Veriperëndimore caktoi një nga anëtarët e saj i cili do të jetë një lidhje të drejtpërdrejtë midis Odës dhe Ministrisë së Ekonomisë në drejtim të krijimit të masave për mbështetje të biznesit.

Ministri Bekteshi prezantoi para përfaqësuesve të kompanive anëtare të Odës Pakon e katërt të masave të Qeverisë, veçanërisht në pjesën e masave që zbatohen nga Ministria e Ekonomisë.

“Një nga masat në Pakon e Katërt si përgjigje e kërkesave afatgjata të biznesit, është ulja e detyrave parafiskale, të cilat sektori i biznesit i vë në dukje si një nga faktorët kryesorë për përmirësimin e konkurrencës”, deklaroi Ministri Bekteshi dhe theksoi se është duke u zhvilluar krijimi i një grupi pune multi-institucional, i cili në muajt e ardhshëm do të punojë për të përcaktuar ato shërbime që kanë karakterin e detyrave parafiskale, dhe të cilat mund të zvogëlohen dhe shkurtohen.

“Qëllimi ynë është të ulim sa më shumë që të jetë e mundur detyrimet administrative dhe
shpenzimet e biznesit”, nënvizoi Ministri Bekteshi.

Në takim u diskutua për sfidat dhe masat e ardhshme për të lehtësuar kushtet e punës së
biznesit, veçanërisht në kusht të pandemisë.

Në frymën e përmirësimit të bashkëpunimit mes Ministrisë së Ekonomisë dhe Odës Ekonomike të Maqedonisë Veriperëndimore në periudhën e ardhshme do të nënshkruhet një Memorandum bashkëpunimi.