Bekteshi: Vazhdon dialogu publik-privat mes Qeverisë dhe ekonomisë

Dialogu me komunitetin e biznesit është thelbësor për Qeverinë si një mjet korrigjues për të gjitha masat dhe politikat që janë miratuar dhe që do të kontribuojnë në zhvillimin e qëndrueshëm ekonomik.

Marketing

Sot, së bashku me Zëvendës Kryeministrin përgjegjës për Çështjet Ekonomike Fatmir Bytyqi, me Ministrin e Financave Fatmir Besimi dhe Drejtorin e Drejtorisë Doganore Gjoko Tanasoski realizuam takim me Kryetarët e katër Odave më të mëdha të Tregtisë me Branko Azeski (Oda ekonomike e Maqedonisë), Danella Arsovska (Shoqata e Odave Ekonomike), Nebi Hoxha (Oda ekonomike e Maqedonisë Veriperëndimore) dhe Aneta Antova Pesheva (MASIT).

Me kërkesë të Odave, u ndryshua tarifa doganore u ulën 33 tarifa doganore. Në periudhën e ardhshme, do të formohet një grup operativ që do të punojë në një plan për të zvogëluar detyrimet parafiskale të kompanive, në mënyrë që të zvogëlojë këto shpenzime të kompanive dhe kështu të rrisë likuiditetin e tyre. Në ndërkohë, ne mbështesim prodhimin dhe konkurrencën e kompanive vendase. Pas miratimit të rebalansit të buxhetit fillojmë me implementimin e shpejtë të Pakos së katërt të masave të miratuara nga Qeveria, të gjitha me qëllim të mbështetjes së ekonomisë.

Në këtë seancë të komisionit për dialog publik-privat u diskutua për zbatimin e Pakos së katërt të masave për rivitalizimin e ekonomisë në kushte të pandemisë Covid 19, pra dinamikën e miratimit të zgjidhjeve ligjore që mundësojnë zbatimin e masave individuale, kërkesën e Odave për ndryshime në tarifën doganore, përkatësisht për Ligjin për Tarifat Doganore, për detyrat parafiskale të kompanive, si dhe për ndryshimet në Ligjin për Kontabilitet.

Marketing