Koronavirusi tashmë ka përfshirë thuajse tërë botën, ndërsa këtij virusi nuk i ka shpëtuar as shteti i Rusisë.
Në një intervistë për Kp, futbollisti i kombëtarës së Kosovës, Bernard Berisha ka treguar më shumë për situatën në këtë shtet, duke u shprehur se cdo ditë e më shumë është duke i munguar futbolli.
Berisha fillimisht u shpreh se së bashku me familjen e tij të ngushtë janë duke qëndruar të mbyllur në shtëpi, ndërsa pjesa tjetër e familjes së tij po qëndron në vendin e lindjes, në Kosovë.
Berisha: Situatë është shumë e vështirë
“Për momentin gjindem me familjen time, me djalin tim dhe me gruan, pjesa tjetër e familjes gjindet në Kosovë. Edhe këtu sikur në gjithë botën është një situatë shumë jo e mirë, por po shpresojmë që në ditët në vazhdim me kalu. Do të thotë i kemi ndërpre stërvitjetet, kampionati është shtyer deri më 30 maj dhe nuk dihet akoma a do të luhet apo do të përfundoj sezoni e ri në muajin gusht”, tha fillimisht ai.
Sa i përket formës së tij, sulmuesi kosovar u shpreh se është duke vazhduar ushtrimet individuale në ambientet e shtëpisë, pasi që stërvitjet me skuadrën janë ndërprerë ditë më parë.
Berisha: Vazhdoj me ushtrime individuale
“Po është e vërtetë është shumë vështirë, sidomos për ne sportistët sepse nuk kemi shumë mundësi me bë shumë aktivitete sportive por po mundohemi sadopak këtu në shtëpi,aq sa kemi mundësi të përgatitemi por do të jetë shumë e vështirë, por dasht zoti që shumë shpejt ta kalojmë këtë sfidë.”, vazhdoi Berisha.
Sa i përket vendimit për shtyerjen e ndeshjes Maqedoni – Kosovë, Berisha u shpreh se ky vendim është meëse i duhur duke parë edhe situatën në gjithë botën. Ai shpreson që në fund “Dardanët” të triumfojnë dhe të sigurojnë një vend në kampionatin evropian i cili poashtu është shtyer për vitin e ardhshëm.
Berisha: Vendim i drejtë për shtyerjen e ndeshjes
“Mendoj që është një vendim i duhur duke marrë parasysh situatën në të cilën gjindëmi. Edhe UEFA edhe FIFA e kanë parë të arsyeshme me shty, për shkak se ne jemi në një moment që nuk po stërvisim dhe dy finalet nësë fitojm ndeshjen me Maqedoninë na pret një finale e madhe por së pari duhet të përqendrohemi tek ndeshja me Maqedoninë. Shpresoj dhe besoj që kemi me fitu këto dy ndeshje që mi bë krenar të gjithë shqiptarët”, deklaroi ai.
Për fund futbolli sti i lindur në Pejë dha edhe një mesazh për të gjithë shqiptarët anembanë botës, duke i lutuar ata të qëndrojnë të qetë duke respektua rregullat nga institucionet përkatëse dhe në fund ti festojnë së bashku triumfet e Kosovës.
Berisha: Të qëndrojmë të qetë, kjo situatë do të kalojë
“Ti dëgjojnë institucionet e shtetit tonë, dhe të jenë të kujdesshëm sepse mbi të gjitha është shëndeti në pytje. Në fund shpresojmë që shumë shpejt të kthehemi dhe të luajmë futboll, ti shikojnë të gjithë ekipet e tyre të preferuara, lojtarët e tyre të preferuar dhe në fund kemi dy ndeshje shumë të rëndësishme që shpresojmë që ne të arrijmë të fitojmë dhe ti bëjmë krenar të gjithë shqiptarët”, përfundoi Berisha.
Kujtojmë që Bernard Beris ha ka qenë pjesë e pandashme e kombëtarës së Kosovës në rrugën e saj për kualifikimin në Evropianin “Euro 2020”.
Kosova në muajin shtator do të ndeshet me Maqedoninën në kuadër të gjysmëfinales së Nations League dhe në rast të fitores kualifikohet në finale, ku do ta pret fituesi i gjysmëfinales tjetër, Gjeorgji-Bjellorusi.
