Biden i uron familjes Trump “shërim të shpejtë”

Kandidati demokrat për president të Shteteve të Bashkuara, Joe Biden, i uroi presidentit amerikan, Donald Trump, dhe Zonjës së Parë, Melanie, shëndet të mirë, pasi që të dy kanë dalë pozitiv në koronavirus.

Marketing

“Jill (gruaja e Bidenit) dhe unë u dërgojmë dëshirat tona, presidentit Trump dhe Zonjës së Parë Melania Trump, për një shërim të shpejtë. Ne do të vazhdojmë të lutemi për shëndetin dhe sigurinë e presidentit dhe familjes së tij”, tha Biden në një postim në rrjetin social Twitter.

https://twitter.com/JoeBiden/status/1312010736604979201?
ref_src=twsrc%5Etfw%7Ctwcamp%5Etweetembed%7Ctwterm%5E1312010736604979201%7Ctwgr%5Eshare_3&ref_url=https%3A%2F%2Fwww.evropaelire.org%2Fa%2F30870559.html

Ish-nënpresidenti, Joe Biden, nuk e ka informuar akoma publikun nëse ai është testuar për koronavirus.

Presidenti Trump doli pozitiv në koronavirus më pak se një javë pas një debati të ashpër me Bidenin, i pari nga tre debatet presidenciale, që pritet të mbahen deri në zgjedhjet e nëntorit.

Shtëpia e Bardhë lëshoi një orar të ri për aktivitetet e Trumpit në të cilin nuk përfshihet një udhëtim në Florida, ku ai kishte planifikuar të merrte pjesë në një tubim.

Marketing