21:45 | 16 Maj 2021

Sulmuesi i AC Milanit, Hakan Çalhanogli insiston se e ardhmja e tij me klubin italian nuk varet nga Liga e Kampionëve.

Një fitore ndaj Cagliarit, i siguron Milanit pjesëmarrjen në Ligën e Kampionëve, ngase kanë rekordin në dy ndeshjet ndaj Juventusit, transmeton lajmi.net.

Turku tha se ndihet i lumtur në këtë pikë, por e ardhmja nuk varet nga Liga e Kampionëve.

“Jam shumë i lumtur që kemi arritur në këtë pikë. Duam të jemi në Ligën e Kampionëve”.

“Gjithmonë kam thënë se doja të isha në Ligën e Kampionëve me Milanin. Sidoqoftë, e ardhmja ime nuk varet nga Liga e Kampionëve. Jam i lumtur që luaj për Milanin”.

“Në fund të edicionit, do bisedojë me Maldinin dhe Massaran për të diskutuar të ardhmen. Ata janë në krye dhe i respektojë”, deklaroi ai.

Një fitore ndaj Cagliarit, i mjafton Milanit që edicionin tjetër të jetë në Ligën e Kampionëve pas plotë tetë viteve./Lajmi.net/

Artikulli paraprak​Rrudhat në fytyrë zbulojnë se çfarë lloj personi jeni dhe çfarë lloj shëndeti keni
Artikulli tjetërVOA: PD vendos të hapë garën për kreun e ri të saj