Ish-drejtori i Zyrës për Siguri Publike, Mitko Çavkov nga burgu i Shutkës në mëngjes në Gjykatën Themelore Shkupi 1 është dërguar ku shkurt dëshmoi për rastin “Tortura” kundër të akuzuarve Sasho Mijallkov, Ivica Ançevski – Puki dhe pesë t akuzuar tjerë nga alfat e MPB-së, transmeton Portalb.mk.
“Si shef i krimit të organizuar imponova praktikë, çdo veprim që e ka marrë reparti, çdo informatë dhe çdo zhvillim të informatës për vepër të caktuar penale, të kyçet përfaqësues i Prokurorisë për Krim të Organizuar. Nuk më kujtohet se a kam marrë pjesë në arrestimin e Boshkovskit, ama konfirmoj se për çdo rast gjithçka është e dokumentuar. Më kujtohet se ka pasur masa të veçanta hetuese për Luben, por relacioni ishte ekip i hetuesve – prokuror publik i cili udhëhiqte me hetimin”, tha Çavkov.
Çavkov ndodhet në paraburgim n Shutkë deri në fuqizimin e aktvendimit për sulmin në Kuvend që ndodhi më 21 prill 2017. Ai nuk mund të kujtohej se kush i ka dokumentuar materialet e përgjuara dhe dëshmitë e masave kundër Boshkovskit, as se a e ka dhënë ai urdhrin për arrestimin e tij.
“Do të thotë, ju nuk e keni dhënë urdhrin për arrestim?”, pyeti prokurori i PSP-së, Lubomir Lape.
“Jo”, u përgjigj Çavkov.
“A e keni telefonuar personalisht të akuzuarit Ivia Ançevski që ta privojë nga liria Boshkovskin”, pyeti Lape.
“Ajo periudhë disponon kur unë isha në intervenim mjekësor koreografi në spital. Nuk m kujtohet me të vërtetë”, u përgjigj Çavkov në pyetjen e prokurorit.
Mbrojtja nuk kishte pyetje, por gjykatësja Aleksandra Ristovska po.
A ka qenë i informuar dhe koordinuar për arrestimin e Boshkovskit, e ka pyetur atë.
“Nuk më kujtohet se kam qenë i informuar për arrestimin. Atë ditë nuk më është telefonuar askush. Unë nga të akuzuarit i njoh vetëm Sasho Mijallkovin dhe Ivica Ançevskin, ata nuk më janë telefonuar”, u përgjigj Çavkov.
Në rastin “Tortura”, ish-drejtori i DSK-së, Sasho Mijallkov dhe gjashtë pjesëtarë tjerë të alfave akuzohen për veprim jonjerëzor gjatë arrestimit të Lube Boshkovskit në hetimin e atëhershëm për financim joligjor të fushatës zgjedhore.
Rasti “Tortura” del nga bomba e tretë të opozitës paraprake, të publikuar në konferencën për media të Zoran Zaevit më 29 maj 2015.
