Chati po rikthehet në Facebook?

Facebook u kritikua mjaftë shumë pesë vite me parë kur largoj chatin nga aplikacioni kryesor.

Kështu, ai i detyroi që të shkarkojnë “Messenger”-in për të komunikuar me shokët.

Kompania e fuqishme duket se ka ndryshuar mendje dhe dëshiron ta rikthej chatin në Facebook.

Një hulumtuese ka zbuluar funksionin i cili rikthen chatin në Facebook. Aktualisht funksioni është në fazë zhvillimi dhe me chatin e ri në aplikacionin kryesor përdoruesit mund të telefonojnë njëri tjetrin, të dërgojnë foto dhe reagime krahas bisedave.

Gjithashtu nuk dihet nëse funksioni do të mbërrijë tek përdoruesit apo të qëndrojë në letër. Messenger me 1.3 miliardë përdorues do të qëndrojë por opsioni i ri do ti japë përdoruesve forma të tjera komunikimi.

Zbulimi është pritur mirë nga shumë përdorues të cilët u irrituan me vendimin e Facebook të pesë viteve më parë. Por sot ka përdorues të shumtë të cilët përdorin Messenger pa hyrë fare në Facebook.

Gabimet e fundit të Facebook që të cilat kanë cenuar besueshmërinë tek rrjeti social kanë bërë që të mendojë edhe më të keqen, një sakrifikim të mundshëm të Messenger.