Moment pozitiv për Chelsea-n e Londrës që, pasi arriti tri fitore radhazi në kampionat, siguroi edhe një biletë në fazën gjysmëfinale të FA Cup.
Skuadra e drejtuar nga Frank Lampard fitoi 1-0 në “King Power Stadium” ndaj Leicesterit me gol të Barkley-t në minutën e 63-të i shërbyer nga Willian.
Nuk ia dolën “dhelprat” të shfrytëzonin faktorin fushë (gjithsesi ndeshja luhej pa tifozë), edhe pse iu afruan golit me Jamie Vardy-t në fundin e pjesës së parë, ndërsa Tamy Abrahamit të Chelsea-t iu anulua një gol për pozicion jashtë loje në minutën e 55-të.
Goli i shënuar nga Barkley, që vendosi edhe kualifikimin e Chelsea-t, u shënua në një moment përgjumjeje të mbrojtjes vendëse.
Leicesteri e pati një tjetër mundësi të mirë për të shënuar 5 minuta para fundit, por goditja me kokë e Caglar Soyuncu përfundoi mbi tra.
