Çka i tha Adem Demaçi Ilir Shaqirit pasi i këndoj këngë për së gjalli?

Trungu i kombit, kololosi, Mandela i Evropës – Adem Demaçi, ka ndërruar jetë në moshën 82 vjeçare, duke lënë pas vepren e tij madhështore, shembullin e njeriut të zgjuar, vizionar dhe shumë të guximshëm

Tri ditë zie në Kosovë për humbjen e veprimtarit të shquar dhe gjatë këtyre ditëve me mijëra mesazhe ngushëllimi.

Marketing

Këngëtari, shkrimtari dhe intelektuali Ilir Shaqiri, në faqen e tij në Facebook ka lënë një mesazh me rastin e ikjes nga kjo botë të Adem Demaçit.

Shaqiri e quan Demaçin Hero të Kombit, siç edhe ishte, madje edhe i lauruar me këtë çmim, shkruan “Kosovarja”.

Shaqiri për revistën “Kosovarja” ndanë një moment shumë të veçantë: “Kur u lirua baca Adem, pritem 50 orë me Hamëz Jasharin që t’ia jepnim dorën dhe ta përqafojmë. Ai më tha: T’i kemi dëgjuar këngët edhe atje ne burg, edhe atë qe e ke kënduar për mua. Dhe, tu them të drejtën burra (iu drejtua të pranishmëve) kemi menduar se ky djalë është nga Shqipëria. Burrat qeshën, ndërsa baca më përqafoj edhe një herë duke më thënë: Gjithçka e bukur së pari jehon e pastaj duket”, thotë Shaqiri, transmeton “Kosovarja”.

Ilir Shaqiri u këndoj vetëm dy burrave sa ishin gjallë, siç thotë ai, “Adem Demaçit që na trimëroj dhe Anton Çetës që na bashkoi”.

Dëgjoni “Biri i Kombit” /Kosovarja/

Marketing