Philippe Coutinho dëshiron të largohet nga Barcelona për t’iu bashkuar Manchester Unitedit në përfundim të këtij sezoni, sipas mediave britanike.

Daily Star raporton se mesfushori brazilian u ka thënë disa futbollistëve spanjoll të Manchester Unitedit se dëshiron t’iu bashkohet atyre në “Old Trafford”.

Kjo është viti i parë i plotë i Coutinhos në Barcelonë, por ai është duke pasur probleme ta fitojë një vend prej titullar në ekipin e parë.

Shanset e tij për të qenë titullar në fakt do të pakësohen edhe më shumë me ardhjen e Frenkie de Jongut në verë.

Prandaj nëse Unitedi është i gatshëm t’i shpenzojë 100 milionë euro për të, atëherë 26-vjeçari është i gatshëm t’i thotë po menjëherë kthimit në Premierligë. /Gazeta Express/