Nga e mërkura fillon vaksinimi i personave sipas grupmoshave, pasi imunizimi i personave të rrezikuar ndaj Covid 19 pritet të përfundojë të martën, infomoi ministri i shëndetsisë Venko Filipçe. Ai tha se deri më tani janë vaksinuar mbi 25 mijë qytetarë, ndërsa pritet që periudhën e ardhshme të rritet numri i të vaksinuarve.
“20,000 vaksinat e mbetura Sputnik V do të shpërndahen për grupmoshat më të vjetra, ashtu siç tani po rrjedh vaksinimi me vaksinën “Astra Zeneca” nëpër vendet e vaksinimit. Unë apeloj te të gjithë që të regjistrohen në faqen e vaksinimit vakcinacija.mk që të dhënat të futen në sistemin Termini im dhe kështu të rekrutohen. Në të njëjtën kohë, mjekët amë kanë detyrim të intervistojnë pacientët e tyre, veçanërisht të moshuarit që duhet të shprehin interes për vaksinimin.”, tha Venko Filipçe, ministër i shëndetsisë.
