Grupet e punës të pushtetit dhe opozitës për të gjetur marrëveshje për Ligjin e ri për Prokurorinë Publike, sot sërish kanë realizuar takim në Kuvend.
Ministrja e Drejtësisë Renata Deskoska, para fillimit të takimit tha se përfundimi i negociatave varet nga opozita.
“Më shumë jam realiste sesa optimiste, pasi e dimë se kë e kemi nga ana tjetër. Nëse do ketë ose jo marrëveshje varet nga VMRO-ja. Ligji duhet të jetë ecensial dhe në pajtim me standardet evropiane.
Kemi disa zhvillime dhe kjo është në procedurën për emërimin e prokurorëve. Dyshimet janë nëse do të kemi prokurori të re, pas shfuqizimit të PSP-së dhe e treta, kuadër solid juridik për udhëheqjen e lëndëve. Të papranueshe janë lëshimet që janë jashtë vlerave dhe drejtësisë evropian”, tha Deskoska.
