Ministria e Drejtësisë e Maqedonisë së Veriut tri herë ka kërkuar nga autoritet kosovare ekstradimin e dy të dyshuarve për rastin “Monstra” Halil Demiri dhe Afrim Ismailoviq.
Ky njoftim i Ministrisë së Drejtësisë vijoi pasi që prokurorja e lëndës për vrasjen e pesëfishtë në Liqenin e Smilkovës, Fatime Fetai, kërkoi nga Gjykata Penale e Shkupit, qe e njëjta të parashtroj pyetje shtesë deri te Ministria e Drejtësisë, për çështje ne ekstradimit të Demirit dhe Ismailloviqit.
“Ju informojmë se ministrja e Drejtësisë do të takohet me familjarët e viktimave të rastit ‘Monstra’ dhe detajisht do t’i informojë në lidhje me veprimtaritë e ndërmarra për ekstradimin e personave nga Kosova.
Njëkohësisht, Ministria e Drejtësisë ndjenë obligim detajisht të informojë opinionin në lidhje me procedurën e ekstradimit të dy të dyshuarve në rastin ‘Monstra’, Deimiri dhe Ismailoviq.
Në procedurën për ekstradimin e Demirit dhe Ismailoviqit, Ministra e Drejtësisë bën të gjitha përpjekjet që dy të arratisurit nga drejtësia t’i sjellë në Republikën e Maqedonisë së Veriut, në mënyrë duke i shfrytëzuar të gjitha mundësitë ligjore, por edhe marrëveshjet bilaterale me Kosovën”, thuhet në kumtesën e Ministrisë së drejtësisë.
Duke i arsyetuar kërkesat e dorëzuar deri te shteti i Kosovës, për realizimin e ekstradimit të shumë kërkuarn nga Ministria e Drejtësisë, thonë se në muajin mars të vitit 2013 është dorëzuar kërkesa e parë për ekstradi, e dyta me 22 janar të vitit 2016 dhe e treta me 5 shtator të vitit të 2018.
“Kërkesa e parë për ekstradimin e personave është bërë në muajin mars të vitit 2013. Më 22 janar të vitit 2016, Gjykata e Apelit të Republikës së Kosovës ka refuzuar kërkesën e parë për ekstradim.Gjykata e Apelit e Republikës së Kosovës, sic njoftojnë nga Ministria e Drejtësisë, kërkesën e parë e ka refuzuar, dhe për këtë arsye vitin e kaluar është përpiluar kërkesë e re për ekstradim.
“Në kërkesën e re detajisht jemi koncentruar në të gjitha pikat që janë theksuar në kërkesën e më hershme të refuzuar për ekstradim. Prej parashtrimit të kërkesës për ekstradim deri sot Ministria e Drejtësisë e Republikës së Maqedonisë së Veriut nuk ka marrë asnjë përgjigje nga Ministria e Drejtësisë së Kosovës”, shkruhet më tej në kumtesë.
Ndryshe, nga atje shtojnë se gjatë periudhës së kaluar janë dërguar edhe dy urgjenca për deklarim, fillimisht me 26 shkurt 2019 dhe urgjenca e fundit me 3 korrik të këtij viti.
