Dy milionë myslimanë pritet të nisin Haxhin këtë të dielë

Dy milionë myslimanë pritet të mbërrijnë javën e ardhshme në Arabinë Saudite për pelegrinazhin e përvitshëm të Haxhit. Këtë vit do të marrin pjesë edhe pelegrinët nga Irani, autoritetet e të cilit kishin bojkotuar këtë ngjarje në vitet e fundit pasi një shtyerje e turmës më 2015, kishte lënë të vdekur qindra iranianë. Një nga pesë shtyllat e fesë që po rritet më së shpejti në botë, Islamit, është edhe Haxhi, i cili këtë vit nis më 19 gusht dhe mbaron më 24 të po këtij muaji. Secilit mysliman i kërkohet të kryejë Haxhin të paktën një herë në jetë.

Marketing

Deri më 16 gusht, më shumë se 1.6 milion persona veçse kanë arritur në Arabinë Saudite. Shumë pelegrinë janë parë me anëtarë të familjeve të tyre, disa kanë telefonuar të afërmit dhe disa të tjerë kanë blerë pije të ftohta për të përballuar temperaturën mbi 40 gradë Celsius. Këtë vit, sauditët kanë lansuar aplikacione, ashtu që t’iu ndihmojnë pelegrinëve me të gjitha procedurat, duke nisur nga udhëtimi e deri te kujdesi shëndetësor.

Marketing