Ish-ushtari i UÇK-së, Naim Kadolli është ftuar nga Gjykata Speciale.

Këtë ai e ka bërë të ditur me anë të një postimi në Facebook.

Ai ka thënë se do të paraqitet në Hagë më 12 dhjetor në orën 10:00.

“Sot kur i gjithë populli shqiptar feston, festat më të rëndësishme të Kombit, 28 Nëntorin, unë si ushtar i UÇK-së marr ftesë nga Dhomat e Specializuara të Gjykatës Ndërkombëtare në Hagë”, njoftoi ai në Facebook.

Ai ka shtuar se nuk e njeh Specialen, por që ftesës do t’i përgjigjet për shkak se kjo gjykatë është votuar nga Kuvendi i Kosovës.