Edhe pse tashmë kanë kaluar javë që nga Festivali i Këngës në RTSH, komentet dhe kritikat vijojnë të jenë të shumta. Vëmendjen këtë herë e ka tërhequr një deklaratë e kompozitorit të njohur, Elton Deda.
Deda ka komentuar përshtypjet e tij mbi organizimin dhe këngët e festivalit. Ai nuk i ka kursyer komplimentat për dy këngët protagoniste të këtij edicioni, “Shaj” dhe “Me tana”.
Por fjalë kritike ka rezervuar për detaje të tjera si muzika, duatrokitjet playback apo të qeshurat, duke i quajtur qesharake.
“Muzikë e shtuar me playback, të qeshura me playback, duartrokitje me playback”, u shpreh Eltoni duke e quajtur këtë gjë të dalë mode, shkruan Blitz.al.
Deda ka vlerësuar orkestrën e festivalit duke e konsideruar element mjaft të rëndësishëm të një festivali të përmasave të tilla dhe vlerë kombëtare.
