Tashmë ka përfunduar rrethi i parë i ndeshjeve të fazës së grupeve të Kampionatit Evropian të Futbollit Euro 2020 dhe sot nis rrethi i dytë.

Do të zhvillohen tri sfida mjaft interesante dhe natyrisht se ajo që sjellë më shumë emocione do të zhvillohet nga ora 21:00 ndërmjet Italisë dhe Zvicrës.

Nga ora 15:00 do të zhvillohet ndeshja e Grupit B ndërmjet Finlandës dhe Rusisë, në stadiumin “Gazprom Arena”, në Saint Petersburg.

Ora 18:00 sjell përballjen e dytë nga Grupi A ku ndeshen Turqia me Uellsin në “Baku Olympic Stadium” në Baku.

Ballafaqimi kryesor është ai ndërmjet Italisë dhe Zvicrës, si dy skuadra favorite për ta kaluar fazën e grupeve. Këto dy kombëtare do të luajnë në stadiumin “Olimpico” të Romës me fillim nga ora 21:00.

Artikulli paraprakRregullohet shtrati i lumit në fshatin Ropalcë, kryetari Arifi inspekton punimet
Artikulli tjetërPrincesha e Holandës heq dorë nga pagesa 1.6 milionë euro në vit: Nuk bëra asgjë t’i meritoj