EVN Maqedoni me rastin e festave të fund vitit ka shpërndarë pako ushqimore për familjet e varfra. Pakot ushqimore përmbajnë ushqime të llojllojshme të mjaftueshme për të gatuar për periudhën e festave.
Zëdhënësi i EVN-së, Atanas Kovaçevski tha se kompania e tyre këtë traditë e praktikon tanimë disa vite dhe shpreson që e njëjta të vazhdoj edhe viteve në vijim. EVN Maqedoni ka shpërndarë pako ushqimore edhe në Kishën kryesore në Gjorçe Petrov dhe në Medresenë në Kondovë.
Bashkëpunimin që e kemi me bashkësitë fetare përgjatë gjithë vitit e rrumbullakojmë me donacionet e festave të fund vitit. Mund të themi tanimë 10 vite tradicionalisht dhurojmë paketa me ushqime për familjet që janë raste sociale, apo për ato familje që vërtetë kanë nevojë që pikërisht për festat e fund vitit ta pasurojnë tryezën e tyre”- pohoi Atanas Kovaçevski, zëdhënës i EVN-Maqedoni.
