Diçka e çuditshme është kapur nga kamerat natën e mbrëmshme.
Pas zgjedhjes së shtetit fitues nga juria i cili ishte Italia me grupin Maneskin me këngën Zitti E Buoni, njëri nga anëtaret e grupit mori vëmendje me veprimin e tij.
Në videon e publikuar në Twitter shihet teksa konsumon lëndë narkotike të llojit kokainë në Dhomën e Gjelbërt.
Ndryshe, Damiano David, i cili është pjesë e rok grupit të njohur, hodhi poshtë të gjitha aludimet se po merrte kokainë.
“Ne jemi vërtet të tronditur për atë që disa njerëz po thonë për Damianon”. “Ne me të vërtetë jemi kundër drogës dhe kurrë nuk kemi përdorur kokainë. Ne jemi gati të testohemi, sepse nuk kemi asgjë për të fshehur. Ne jemi këtu për të bërë muzikë dhe jemi shumë të lumtur për fitoren tonë në Eurovision, duam t’i falënderojmë të gjithë që na kanë mbështetur. Rock’n Roll nuk vdes kurrë. Ju duam”, kanë shkruar ata.
Tutje, Maneskin rrëmbeu çmimin kryesor me Zitti e buoni duke shënuar gjithsej 524 pikë, pasuar nga Franca me 499 pikë dhe Zvicra me 432.
