Një foto e papublikuar ndonjëherë në mes të ish-presidentit të Kosovës, Ibrahim Rugova dhe liderit të Lëvizjes Vetëvendosje, Albin Kurti është bërë publike sot.

Në këtë foto shihen në një takim ish-presidenti Rugova, Xhemajl Mustafa, këshilltar për informim i Presidentit dhe Albin Kurti, Bujar Dugolli, e Driton Lajqit dhe një person tjetër, pjesë e delegacionit studentor, që në atë kohë e përfaqësonin Unionin e Pavarur të Studentëve të Universitetit të Prishtinës.

Ky takim si duket ishte në vazhdën e përpjekjeve për të harmonizuar qëndrimet për organizimin e një proteste të studentëve të Universitetit të Prishtinës e cila u realizua më vonë, me 01 tetor 1997, në Prishtinë.