Kapiteni i Real Madridit, e ka lënë jashtë listës të të ftuarve ish- bashkëlojtarin e tij.

Sergio Ramos do të martohet këtë fundjavë me partneren e tij, prezantuesen televizive Pilar Rubio me të cilën është në një lidhje dashurie që nga viti 2012 dhe ka tre djem.

Ajo që bie më shumë në sy në listën e zbuluar nga gazeta Marca, është mungesa e Cristiano Ronaldos me të cilin Ramos ka luajtur për nëntë vite bashkë te Real Madridi, por që duket se nuk kanë pasur një raport të mirë shoqëror.

Në dasmën e spanjollit do të jenë të pranishëm shumë yje si David Beckham me gruan e tij Victoria, si dhe Gerard Pique me këngëtaren e njohur Shakira. Ramos ka ftuar edhe presidentin e Realit, Florentino Perez si dhe trajnerin Zinedine Zidane.