Foto dhe detaje të Samsung Galaxy S10 vijon të rrjedhin çdo ditë. Më i fundit është një foto e flagshipit të Samsung ku bie në sy një aplikacion i njohur si Samsung Blockchain KeyStore.
Imazhet u publikuan në Twitter nga Ben Geskin.
Portofoli i kriptomonedhave përshkruhet si “vendi perfekt dhe i sigurtë për monedhat tuaja kriptografike.”
Përdoruesit do të mund të importojnë kriptomonedha si Ethereum si dhe të përdorin autentikimin biometrik për sigurinë sipas të dhënave që raportohen.
Gjithashtu duke kaluar tek detaje fizike dallohet ekrani Infinity-O i cili debutoi së pari me Galaxy A8s.
Detajet e plota të Galaxy S10 do ti mësojmë në aktivitetin Unpacked që do të mbahet më 20 Shkurt. Atë ditë pritet prezantimi i telefonit me palosje gjithashtu.
