Big Kik, një ndër reperët më të komentuar së fundmi, spikati për talentin e tij në rap. Reperi, që mori dhe emrin e artit për shkak të peshës së tij duket se tashmë është gati për një ndryshim të madh. Big Kik ka zbuluar se i është nënshtruar ndërhyrjes së balonit gastrik.

Eksperiencën e tij e ka ndarë dhe me ndjekësit në rrjete sociale, ku tregon se vendimin për një ndërhyrje të tillë e mori pasi arriti peshën 160 kg. Ai thotë se për këtë arsye vendosi që përveçse të merrej me sport, të bënte dhe balonin gastrik.

Kujtojmë që Big Kik ka qenë në qendër të vëmendjes kohët e fundit pas përplasjes me Noizy-n.

Ai deklaroi se reperi e kishte përjashtuar nga grupi OTR pa ndonjë arsye. Por Noizy reagoi duke thënë se kishte qenë vetë ai që ishte larguar nga grupi dhe se gjithçka po e bënte për vëmendje.

Artikulli paraprak25 vjeçari thyen rekordin e transmetimeve në Twitch
Artikulli tjetërErë me shpejtësi 170km në orë, cikloni shkakton dëme të mëdha në Australi