Gennaro Gattuso dha një intervistë pas fitores dramatike ndaj Udineses në kuadër të xhiros së 11-të në Serie A.
Marketing
Alessio Romagnoli fitoi topin në mesin e fushës dhe kombinoi me Susos për ta shënuar pastaj golin vendimtar në minutën e 96’ të ndeshjes, transmeton Gazeta Express.
“Ne vuajtëm, kishim mungesa, por mendoj se e merituam fitoren”, tha Gattuso pas ndeshjes.
Kjo ishte fitorja e tretë me radhë e Milanit në Serie A ku momentalisht ka 21 pikë në vendin e katërt, aq sa ka edhe Lazio.
I pyetur për momentin e fundit kur Suso dhe Romagnoli pasonin topin te njëri-tjetri para golit ai u përgjigj kështu: “Nuk mund ta them, nuk mund ta them…”.
Në ndeshjen e ardhshme në Serie A, kuqezinjtë në “San Siro” presin Juventusin.
