Gjermania planifikon të punësojë punëtorë sezonal nga Maqedonia e Veriut dhe Shqipëria

Mungesa e punëtorëve për grumbullimin e shpargujve dhe luleshtrydheve në Baden të Gjermanisë mund të jetë një problem i madh. Për këtë problem është prononcuar menaxhuesi bujqësor gjerman, Hans Lehar. Ai i di disa kompani ku punëtorët e grumbullimit nuk janë paraqitur, me gjithë premtimet. “Gjatë disa viteve të ardhshme, çështja e fuqisë punëtore do të shoqërojë bujqësinë masivisht. Do të jetë një nga sfidat më të mëdha derisa ta grumbullojmë frytin tonë”, ka pohuar Lehar.

Marketing

Qysh në muajin mars, shoqata kombëtare e fshatarëve për fruta, që përfaqëson rreth 3200 fermerë frutash në jugperëndim të Gjermanisë, e kishte lëshuar alarmin, shkruan “SWP”, përcjell Shtegu.com. Ata kanë frikë nga humbja e kulturave të veçanta.

Sipas Lehar, nga vendet e Europës Lindore vijnë gjithnjë e më pak punëtorë, pasi ata tani kanë punë në vendin e tyre. Në të ardhmen, do të duhet të kërkohen punëtorë nhga vendet jashtë BE-së. “Bujqësia dhe politika nuk mund të ndihmojnë, por mund të gjejnë mënyra”.

Për ministrin e Bujqësisë, Peter Hauk (CDU) nevojitet urgjentisht hapja e tregut të punës për punëtorët sezonalë nga vendet jashtë BE-së. Kjo mund të bëhet përmes marrëveshjeve ndërqeveritare. “Sipas informacionit tonë, qeveria federale po punon për këtë çështje”, tha politikani i CDU-së. Vende të tilla si Ukraina, Serbia, Maqedonia e Veriut, Moldavia dhe Shqipëria po diskutohen si partnerë potencial bashkëpunimi. “Kjo do të ndihmonte për ta relaksuar situatën”.

Marketing