Një person ka humbur jetën dhe tre të tjerë janë lënduar pas një shpërthim që ndodhi dje pasdite në dyqanin “Zhare Komerc” në qendër të Gjevgjelisë. Jo zyrtarisht, shkak për shpërthimin ka qenë një bombola e gazit.
Njësiti i zjarrfikësve në Gjevgjeli menjëherë ka marrë masat e duhura. Sipas zjarrfikësve bombola e gazit shpërtheu brenda dyqanit, kurse nga Spitali i Përgjithshëm në Gjevgjeli njoftuan se të gjithë të lënduarit janë transferuar menjëherë në repartin e kirurgjisë dhe konfirmuan se njëri ka djegie të shkallës së parë dhe të dytë kurse dy të tjerë kanë marrë lëndime të lehta.
Sipas informatave të policisë rasti ka ndodhur dje pasdite ku si pasojë e zjarrit personi L.A. (40) nga Gjevgjelia ka vdekur ndërsa janë lënduar A.J. (46), P.D. (39), V.B. (42), I.Z (42), M.J. (29) dhe V.J. (30).
