Haradinaj premton përkrahje familjarëve të të dënuarve në rastin “Kumanova”

Kryeministri në detyrë, Ramush Haradinaj, ka takuar familjarët e të burgosurve të rastit Kumanova.

Marketing

Në një postim në llogarinë e tij në Facebook, Haradinaj, ka shkruar se pasi të merret vendimi përfundimtar, Qeveria e Kosovës, do ta ushtrojë të drejtën që sipas marrëveshjes me shtetin fqinj të burgosurit ta vuajnë dënimin në Kosovë.

“Takova sonte, në shenjë kujdesi për djemtë tanë, familjarët e të burgosurve të rastit Kumanova. Do të vazhdojmë të jemi pranë familjeve të tyre, në pritje që drejtësia në Maqedoninë e Veriut, të bëjë zbardhjen e plotë të rastit, duke i rihetuar të gjitha rrethanat. Ua konfirmova atyre se sa më shpejtë që merret vendimi përfundimtar, ne do ta ushtrojmë të drejtën sipas marrëveshjes me shtetin fqinj, që djemtë tanë ta vuajnë dënimin në Kosovë”, ka shkruar Haradinaj.

Marketing