Ndërmarrja Publike Hekurudhat e Maqedonisë Infrastruktura – Shkup mori Certifikatë Ndërkombëtare për përsosmëri në zbatimin e prokurimit publik (CIPS Corporate Certification Primary Award) e ndarë nga Instituti për Prokurim dhe Furnizim (Chartered Institute of Procurement & Supply -CIPS) nga Britania e Madhe.
Si rezultat i përpjekjeve të saja të vazhdueshme për zbatimin e standardeve dhe procedurave ndërkombëtare në operacionet e përditshme, sidomos në fushën e prokurimit publik, e cila rezultoi të jetë efektive, efikase dhe ekonomike në funksionim, me kosto të reduktuar, vlerësim dhe menaxhim të duhur të rrezikut si dhe me zbutjen e ndikimit të tyre, rritjen e kontrollit dhe monitorimin e zbatimit të marrëveshjeve në fushën e prokurimit publik, duke ruajtur komunikim cilësor dhe të vazhdueshëm me grupet e interesit dhe kontraktorët, NP Hekurudhat e Maqedonisë – Shkup ka fituar certifikatën e përsosmërisë në zbatimin e prokurimit publik (CIPS Corporate Certification Award primar).
NP Hekurudhat e Maqedonisë Infrastruktura – Shkup është Institucioni i parë në territorin e Republikës së Maqedonisë së Veriut që merr një certifikatë të tillë.
Kjo certifikatë konfirmon se institucioni vazhdimisht është duke punuar në përmirësimin e efikasitetit në hartimin, zbatimin, menaxhimin dhe monitorimin e prokurimit publik në kuadrin e saj.
Proceset dhe procedurat e zbatuara që lidhen me prokurimin publik mbulojnë një gamë të gjerë të operacioneve të infrastrukturës së NP Hekurudhat e Maqedonisë – Shkup, duke përfshirë: ekzistencën e një strategjie të qartë dhe politikave të prokurimit me zbatimin e ligjit vendor dhe ndërkombëtar, ekzistenca e veprimeve dhe procedurave të përcaktuara në mënyrë të qartë në përgatitjen , zbatimin, monitorimin dhe rishikimin e prokurimit publik, duke respektuar kodin e etikës, strukturën e përshtatshme organizative, ndarjen e qartë të detyrave të punës dhe detyrave në ndërmarrje, etj.
Marrja e kësaj certifikate nënkupton vlerësimin e procedurave të shumta të brendshme, trajnimeve dhe punës që kanë dhënë fryt.
Fakti që NP Infrastruktura Hekurudhore e Maqedonisë – Shkup është e certifikuar konfirmon fokusin e vazhdueshëm të institucionit tonë për përmirësimin e cilësisë së punës së administratës publike në fushën e prokurimit publik
