Mauro Icardi është transferuar te Paris Saint Germain.
Është zyrtarizuar transferimi i Mauro Icardi te skuadra e Paris Saint Germain.
Ylli argjentinas kaloi një sezon si i huazuar te parisienët, kurse këta të fundit shfrytëzuan të drejtën për blerjen e tij.
Lajmin e ka konfirmuar faqja zyrtare e Inter, përmes një njoftimi ku thuhet: “FC Internazionale Milano njofton për transferimin e Mauro Icardi te Paris Saint Germain: sulmuesi i lindur më 1993 kalon definitivisht te klubi francez”.
“Klubi falënderon lojtarin për gjashtë sezonet e kaluara së bashku dhe i dëshiron atij më të mirat për vazhdimin e karrierës së tij”.
Icardi do të ketë kontratë deri më 30 qershor të vitit 2024.
Për kartonin e lojtarit janë paguar 50 milionë euro + 15 milionë do të paguhen si bonuse.
