Imami kosovar: Nuk ka terrorizëm islamik, terrori s’ka fe, krimineli mbetet kriminel!

Pas sulmeve të tmerrshme në Vjenë, kanë ardhë reagime të shumta.

Marketing

Është imami kosovar, Labinot Maliqi, ai i cili ka dënuar këtë akt, derisa thotë se s’ka terrorizëm islamik, pasi që terrori s’ka fe, transmeton Indeksonline.

Madje i njëjti ndër të tjera ka thënë se “Askush nuk ka të drejtë të përvetësoj Islamin si justifikim për barbarizmat dhe vrasjet e shkaktuara”.

Ky është postimi i imamit nga Prishtina në FB:

Nuk ka #Terrorizëm_Islamik, terrori nuk ka fe. Krimineli mbetet vetëm kriminel. Përgjegjësit për vrasjet në Vjenë dhe kudo tjetër duhet të dënohen në masën e plotë të ligjit. Sjellja kriminale është përgjegjësi individuale e atyre që e kryejnë atë.

Askush nuk ka të drejtë të përvetësoj Islamin si justifikim për barbarizmat dhe vrasjet e shkaktuara. Nuk është krimi kolektiv i një grupi që përfaqëson shumicën e një besimi, dhe nuk mund të përdoret si pretekst për më shumë diskriminim dhe dhunë shtetërore ndaj një komuniteti të caktuar.

Marketing