Itali, drejtuesi i klubit dhe një futbollist infektohen me virusin korona

Koronavirusi nuk i ka kursyer as futbollistët dhe drejtuesit e klubeve në Itali.

Marketing

Maurizio Rullo, presidenti i klubit italian Novara, është infektuar me koronavirus.

Ka qenë klubi i Novarës që e ka dhënë lajmin nëpërmjet një postimi në Twitter.

Ndërkohë një futbollist i ekipit Pianese në Serie C nivelin e tretë të futbollit italian, është infektuar me koronavirus natën e së mërkurës dhe si pasojë, klubi ka vendosur ta anulojë seancën stërvitore të së enjtes.

Gazeta italiane La Gazzetta dello Sport raporton se lojtari kishte simptoma të gripit të shtunën e kaluar dhe nuk ishte futur në fushë si masë parandaluese.

Por ai kishte qëndruar për drekë me bashkëlojtarët dhe e përditshmja italiane shkruan se ai mund ta ketë marrë virusin gjatë një udhëtimi me tren për një vizitë të prindërit e vet në Emilia.

Pasi kishte qëndruar në shtëpi dhe i kishte paralajmëruar mjekët, atij i ka kaluar virusi sepse momentalisht ndihet mirë dhe nuk ka ethe.

Si masë parandaluese, ekipi i tij ka vendosur të anulojë seancën stërvitore të ditët së sotme në pritje të direktivave nga Instituti Mjekësor i Italisë.

Marketing