Këshilli Drejtues i Federatës së Futbollit të Maqedonisë së Veriut ka konfirmuar marrëveshjen e re me seleksionuesin e përfaqësueses A, Igor Angellovskin.
Drejtuesit e FFM-së dhe seleksionuesi Igor Angellovski kanë gjetur akordin rreth qëndrimeve për kontratën e re, kështu që udhëheqësi i deritashëm do të jetë në pozitën e seleksionuesit të përfaqësueses së vendit edhe në Kampionatin Evropian EURO 2020 që do të zhvillohet në qershor të këtij viti.
Seleksionuesi me stafin e tij teknik në atmosferë të shkëlqyeshme, siç tha tash do të përgatiten për kualifikimet për Kampionatin Botëror dhe Kampionatin Evropian.
“Gjithë ne dëshirojmë të na drejtojnë në suksese të reja. Besoj se Maqedonia do të tregojë fytyrën e vërtetë dhe apeloj të gjithë qytetarët e vendit dhe gjithë tifozët të jemi të bashkuar dhe të tregojmë unitet. Kualifikimi në Kampionatin Evropian është ëndërr për çdo fëmijë, ndërsa futbollistët tashmë kanë motiv të jashtëzakonshëm për fitore të reja. Tani duhet të ndihmojmë të gjithë, në secilën mënyrë, ndërsa pastaj do të flasim për kualifikimin tonë në EURO 2020 dhe për atë se sa kjo vlen për të ardhmen e futbollit në vendin tonë”, deklaroi Sejdini.
Falënderim deri te presidenti i Federatës dhe Këshilli Drejtues për besimin, dha seleksionuesi i përfaqësueses A të Maqedonisë, Igor Angellovski i cili shtoi se nuk dyshon se përfaqësuesja, ashtu si deri tani, “do të ketë kushtet më të mira për punë”.
“Do të ofroj gjithë potencialin tim për t’u rikthyer me ndeshje të mira dhe që ta vazhdojmë serinë e rezultateve të suksesshme. Ashtu siç kam premtuar edhe para opinionit, e gjithë ajo që më ishte ofruar në formë të marrëveshjeje e kam pranuar, ndërsa interesin nacional e kam vendosur para atij personal. Falënderime deri tek kapiteni, futbollistët e përfaqësueses dhe opinionit për përkrahjen. Besoj se të gjithë së bashku do t’u gëzohemi fitoreve të mëdha, ndërsa këtë herë do të festojmë të gjithë së bashku rrugëve të qytetit tonë dhe shtetit tonë”, deklaroi Angellovski.
