Foto: Sloboden Peçat

Kjo është makina në të cilën ka qenë djali i ish kreut të BFI-së, Sulejman Rexhepi, transmeton TetovaSot.

Pasditen e sotme në lagjen Gjorçe Petrov ka ndodhur një incident i armatosur, ku sipas informacioneve zyrtare nga policia është plagosur një polic.

MPB-ja më herët ka njoftuar se për këtë incident janë arrestuar dy të dyshuar.

Polici i plagosur me iniciale Z.R, për të cilin TetovaSot meson se është djali i ish kreut të BFI-së Sulejman Rexhepi, fillimisht ka qenë në makinën e tij “Mercedes” përderisa kanë ardhur sulmuesit me makinë tjetër “Golf”, të cilët kanë shtënë drejt Z.R dhe kanë ikur.
Z.R ka marrë plagë në këmbë dhe vetë ka shkuar në spitalin 8-shtatori ku ka marrë ndihmën e parë.

“Rreth orës 16:40 është paraqitur se në Shkup tek rrethrrotullimi në Gjorçe Petrov, në afërsi të kishës, një person me makinë “Golf”, ka shtënë drejt makinës “Mercedes”, brenda së cilës ndodhej zyrtari policor Z.R. Sipas informacioneve të para Z.R ka pësuar lëndime në këmbë dhe është nisur drejt spitalit “8-shtatori” ku i është dhënë ndihma e parë”, thuhet në reagimin e MPB-së./TetovaSot