Një ndeshje e jashtëzakonshme është luajtur në ‘Allianz Stadium’, ndërmjet Juventus dhe Napolit.
Derbi i javës së dytë në Serie A është mbyllur me fitoren e Juventus, me rezultatin 4:3, rezultat që u jep tri pikët kampionëve në fuqi.
Rezultati i këtij takimi u zhbllokua qysh në minutën e 16’, kur Danilo shënoi në debutimin e tij për t’i dhënë epërsinë skuadrës së tij, shkruan lajmi.net.
Vetëm tre minuta më vonë, Higuain dyfishoi epërsinë, për të lënë përshtypjen që derbi morri fund shumë herët.
Festa e tifozëve juventin nisi qysh në minutën 62’, kur Cristiano Ronaldo shënoi për 3:0, por duket se ky ishte vetëm fillimi i këtij takimi. Ishte koha që Napoli të merrte timonin në dorë.
Minuta 66’ regjistroi Kostas Manolas në listën e realizatorëve, me Napolin që ngushtoi epërsinë në 3:1. Dy minuta më vonë, debutuesi Hirving Lozano rihap sfidën duke shënuar për 2:2.
Kurse, minuta e 81’ e takimi e gjeti të pavëmendshëm Matthijs de Ligt, i cili harroi Di Lorenzon, ky i fundit që shtyu topin në rrjetë për barazimin 3:3.
Por, kur të gjithë mendonin se ndeshja po mbyllej pa fitues, ishte Koulibaly fytyra tragjike që shënoi autogol për t’i dhënë tri pikët Juventusit.
Me këtë fitore, Juve numëron 6 pikë dhe merr kryesimin në Serie A, të paktën deri në ndeshjen e radhës të Inter.
