Vendimi që prokuroria e rregullt t’i marrë përsipër lëndët e PSP-së, aktualisht i bllokon seancat gjyqësore për këto raste. Për gjykatësen Dobrilla Kacarska, e cila e shtyu sot gjykimin e lëndës “Transporter”, gjyqësori është i robëruar, sepse gjykatësit nuk dinë si të veprojnë derisa prokuroria e Lubomir Joveskit nuk i merr përsipër lëndët.
Kanë kaluar tre ditët që i dha kryeprokurorja e PSP-së Katica Janeva për dorëzimin e lëndëve nga kjo prokurori në Prokurorinë Publike. Nga ana tjetër, duke pasur parasysh që prokurori publik republikan ka një njoftim, ku thotë se të gjitha lëndët do të merren përsipër prej tij, në këtë situatë Këshilli i Gjykatësve nuk mund të mbajë seancë, me qëllimin e vetëm për të parandaluar ndonjë shkelje të konsiderueshme në rrjedhën e procedurës. Shpresoj që në ditët në vijim e gjithë kjo situatë të zgjidhet- deklaroi gjykatsja Dobrilla Kacarska.
Prokurori i PSP-së, Gavrill Bubevski është optimist se i gjithë procesi i transferimit të lëndëve do të përfundojë brenda dhjetë ditësh.
Mund të ndodhë shumë shpejt dorëzimi i lëndëve dhe kthimi i serishëm në sallën e gjyqit. Mundet prokurorë të tjerë, mundet edhe të njëjtëve, siç tha prokurori Joveski. Çfarë teknike do të realizojë Prokuroria Publike e Republikës së Maqedonisë së Veriut, mbetet të shohim- tha Gavrill Bubevski, Prokuror i PSP-së.
Sanja Aleksiq, që ka qenë avokate mbrojtëse në shumë raste të lëndëve të PSP-së, beson se nuk ka asnjë bazë ligjore që lëndët të përfundojnë në një prokurori tjetër. Ajo thotë se vetëm PSP-ja është përgjegjëse vetëm për ndjekjen e veprave penale që rrjedhin nga “bombat”.
Cila është logjika ligjore tani, pas katër vitesh, për t’i rikthyer këto lëndë përsëri në Prokurorinë Publike? Ligji i PSP-së nuk jep mundësi të tillë prokurores speciale që t’i delegojë këto raste në ndonjë prokurori tjetër- tha avokatja Sanja Aleksiq.
Na Prokurorinë Speciale thonë se ata ende nuk kanë marrë një letër me shkrim nga Joveski për të thënë se si do të trajtohen lëndët e tyre. Ata janë gjithashtu të shqetësuar që nuk është zgjedhur një zëvendësim për Janevën dhe nuk ka asnjë zgjidhje ligjore për statusin e PSP-së. Ata paralajmërojnë gjithashtu se mungesa e rregullativës mund të çojë në rrjedhjen e materialeve që i ka PSP-ja. Për lëndët e PSP-së, Kryetari i Këshillit Gjyqësor Kiro Zdravev është i mendimit se ata duhet të kishin një zgjidhje gjyqësore dhe se me pranim-dorëzimin e lëndëve, mendimi i Gjykatës Supreme që PSP nuk mund të hapë lëndë pas 30 qershorit 2017 është deplasuar.
