Së paku 11 studentë, nëntë prej të cilëve janë vajza, humbën jetën sot kur automjeti i tyre u përmbys në një grykë të thellë në rrethin Shopian të Kashmirit, raporton AA.

Mohammad Saleem Malik, zëvendës komisioner shtesë i rrethit, konfirmoi numrin e të vdekurve dhe shtoi se shtatë të lënduar janë zhvendosur në spitalin Shri Maharaja Hari Singh (SMHS) në Srinagar, kryeqyteti i Kashmirit.

Studentët e një instituti kompjuterik privat në zonën Surankote të qarkut Poonch ishin në rrugën e tyre drejt vendit për piknik pranë Pir Ki Galli përgjatë rrugës Mughal.

Një mjek në spitalin SMHS për AA tha se disa nga të lënduarit në spital janë në gjendje kritike.