Dy liderët, Aleksis Cipras dhe Zoran Zaev do të duhet të takohen diku, këtu ose atje apo në ndonjë vend të tretë, pasi fillon epokë e re, megjithatë në këtë moment, nuk ekziston diçka përfundimtare, tha ministri alternativ i Punëve të Jashtme i Greqisë, Jorgos Katrugalos në brifingun me korrespondentët e huaj në Greqi, duke iu përgjigjur pyetjes së korrespondentes së MEDIAL-s nga Athina lidhur me atë nëse është planifikuar ndonjë vizitë e kryeministrit grek në Shkup apo e kryeministrit të Maqedonisë në Athinë.

“Ekzistojnë ide, por mendoj se edhe në këtë moment nuk ka diçka përfundimtare. Gjithsesi se dy liderët duhet të takohen diku nëse këtu, atje apo në ndonjë vend të tretë, pasi me të vërtetë fillon një epokë e re. Në Greqi nuk janë të vetëdijshëm se sa shumë punë bëni ju në Maqedoninë e Veriut, pasi obligimet të cilat vijnë prej tek ju janë shumë më shumë”, tha Katrugalos.

Për reagimet lidhur me Marrëveshjen e Prespës shefi alternativ i diplomacisë greke komentoi se kryesisht janë emocionale. Sqaroi se ekzistojnë dy lloj reagimesh, nga njëra anë janë djathtistë radikalë dhe nacionalistët, të cilët janë në numër të vogël, ndërsa nga ana tjetër ekzistojnë edhe reagimet e një pjese të madhe të popullit, patriotë të cilët nuk janë fashistë, ndërsa ky reagim i referohet krenarisë së shkelur kombëtare prej politikës tetëvjeçare të memorandumit.