Kërkesa e Turqisë, ja si do veprojë Maqedonia e Veriut

Maqedonia e Veriut do të veprojë në përputhje me Konventën ndërkombëtare për ekstradim dhe rregullativat e brendshme ndaj kërkesës së Turqisë për dorëzimin e të dyshuarve si anëtarë të organizatës “FETO”. Kryeministri Zaev theksoi se Institucionet vendase janë duke shqyrtuar kërkesat e shtetit turk, por pa precizuar nëse do të ketë veprime konkrete ose jo. Sipas të parit të ekzekutivit, të gjitha veprimet do të merren mbi bazën e dëshmive.

Marketing

Turqia është mik i madh. Ata kanë argumentet e tyre të konfirmuara nga institucionet turke. Neve do të veprojmë në përputhje me rregullat ndërkombëtare dhe marrëveshjet ndërkombëtare. Për këtë çështje kompetente është Prokuroria Publike dhe pritet konfirmimi dhe procedimi nga ana tyre, madje jo vetëm kur kërkon Turqia, por edhe kur vërtetohet vepër penale e një personi më pas i njëjti duhet ekstraduar. Në këtë drejtim shumë rëndësi ka legjislatura vendore, ajo ndërkombëtare por edhe miqësia me Turqinë” – Zoran Zaev, Kryeministër

I pyetur nëse pret reagimin e parlamentit të Turqisë me mos ratifikimin e protokollit për në NATO, në rast se nuk ekstradohen të dyshuarit për terrorizëm, Zaev potencoi se nuk pret një situatë të tillë. Një dosje që ka siguruar Alsat që rezulton të jetë e datës 16 gusht 2018, shteti turk kërkon ekstradimin e njërin prej 15 të dyshuarve në bazë të vendimin gjyqësor të Gjykatës Supreme për krime të rënda në Kahramanmarash, i akuzuar për veprën penale “anëtar i grupit të armatosur terrorist FETO”. Dosja jep detaje për lëvizjet e të dyshuarit, komunikimet e tij dhe prononcimin e dëshmitarëve. Kohë më parë, Agjencia shtetërore informative e Turqisë “Anadolu”, menjëherë pas hapjes së kësaj çështjeje kishte publikuar listën e strukturës së udhëheqësve të bizneseve në Maqedoninë e Veriut të cilët dyshohen se janë pjesëtar të FETO-s. Në listë figurojnë pronarë të 7 shkollave, por edhe firma për transport, tregti, shëndetësi dhe turizëm. Ekstradimin e kërkoi edhe ministri turk i Mbrojtjes Hulusi Akar gjatë vizitës së tij në Shkup javën e kaluar.

Marketing