Kishin shkuar për haxh, 35 persona vdesin në një aksident në rrugën midis Mekës dhe Medinës

Tridhjetë e pesë njerëz vdiqën dhe katër u plagosën në një aksident trafiku të mërkurën në provincën Madinah të Arabisë Saudite, tha agjensia e lajmeve SPA, duke cituar zëdhënësin e policisë së krahinës.

Marketing

Sipas mediave të huaja, transmeton Telegrafi, aksidenti ndodhi në rrugën e Hixhretit midis Mekës dhe Medinës.

Zëdhënësi shtoi se haxhinjtë ishin aziatikë dhe arabë që kryenin Umrah-un dhe se aksidenti ndodhi pasi një autobus u përplas me një automjet të rëndë në Al Akhal Center.
Të plagosurit u dërguan në spitalin Al Hamna.

Princi Faisal bin Salman bin Abdulaziz, Guvernatori i rajonit të Madinah, shprehu ngushëllimet e tij të thella për familjet e atyre që vdiqën.
Ai urdhëroi që për të lënduarit të sigurohet kujdesi i duhur mjekësor.

Marketing