Udhëheqësit e Azisë Juglindore thanë se kishin rënë dakord mbi një plan me shefin e juntës së Mianmarit të shtunën për t’i dhënë fund krizës në vendin e goditur nga dhuna, por ai nuk iu përgjigj në mënyrë të qartë kërkesave për të ndaluar vrasjen e protestuesve civilë, raporton Reuters.
“Është përtej pritjes sonë,” u tha Kryeministri Malajzisë Muhyiddin Yassin gazetarëve pas takimit të udhëheqësve të Shoqatës së Kombeve të Azisë Juglindore (ASEAN) që u ndoq gjithashtu nga Gjenerali i Lartë i Myanmarit Min Aung Hlaing.
“Ne u përpoqëm të mos e akuzojmë shumë anën e tij sepse nuk na intereson kush e shkakton atë,” shtoi Muhyiddin. “Ne vetëm theksuam se dhuna duhet të ndalet. Për të, është pala tjetër që po shkakton problemet. Por ai ra dakord që dhuna duhet të ndalet.”
Udhëheqësit e ASEAN dëshironin një angazhim nga Min Aung Hlaing për të frenuar forcat e tij të sigurisë, të cilët një grup aktivist monitorues thotë se kanë vrarë 745 njerëz që kur një lëvizje masive civile e mosbindjes shpërtheu për të sfiduar grushtin e tij të shtetit në 1 shkurt. Ata kishin kërkuar gjithashtu lirimin e të burgosurve politikë.
“Ai nuk e refuzoi atë që u paraqita nga unë dhe shumë kolegë të tjerë,” tha Muhyiddin.
