Shkencëtarët turq besojnë se janë pranë zbulimit të vaksinës për covid-19. Hulumtuesit në firma e njohur botërore e prodhimeve të barnave ‘Abdi Ibrahim’ thonë se ata tashmë kanë rezultuar të suksesshëm në trajtimin kundër koronavirusit (Covid-19) dhe në këtë muaj mund të fillojë edhe prodhimi i saj.

Gazeta Lajm mer vesh se pronarët e kësaj kompanie janë me prejardhje nga Çellopeku i Tetovës, që kanë migruar në Turqi në vitin 1912. Kushërinjtë e tyre sot e kësaj dite jetojnë në Çellopek të Tetovës. Ndryshe, sipas deklaratës së bërë nga Abdi Ibrahim, kompania do të dhurojë të gjithë prodhimin e këtij ilaçi ministrisë së shëndetsisë dhe deri në fund të muajit prill deri më 1 milion 600 mijë tableta do të prodhojë në objektet e saj të vendosura në Stamboll Esenyurt.

Megjithatë do të duhej edhe pak kohë që vaksina të hyn në përdorim te pacientët. “Kam marrë rezultatet një muaj pas injektimit të vaksinës te mostra dhe ajo vërtetë ka funksionuar “, tha, zëdhënsi i kompanisë ‘Abdi Ibrahim”, Nezih Barut. Ekipi i kompanisë aktualisht po punoon me shkencëtarët në Turqi që të përcaktojë efektin e vaksinës.

Ai shtoi se: “Që nga themelimi i kompanisë, ne veprojmë me vetëdije për përgjegjësitë tona në përputhje me misionin tonë. Si kompani, ne kemi luftuar me fuqinë tonë pasi bota dhe vendi ynë janë duke e luftuar këtë pandemi. Për 108 vjet, ne kemi punuar me pasion dhe në mënyrën më të mirë për biznesin tonë, industrinë tonë, vendin tonë dhe përfundimisht për gjithë njerëzimin.”