Sekretari shtetëror amerikanë, Majk Pompeo dje propozoi që edhe Nikolas Maduro dhe Huan Guaido të heqin dorë nga gara presidenciale gjatë periudhës së tranzicionit, ndërsa “Këshilli shtetëror”, i formuar nga përfaqësues të qeverisë dhe opozitës të jetë përgjegjës për organizimin e zgjedhjeve të lira dhe të ndershme presidenciale dhe parlamentare në afat prej gjashtë deri në 12 muaj.
Pompeo propozoi që Guaido gjatë periudhës së tranzicionit të qëndrojë kryetar i Parlamentit dhe t’i lejohet të kandidohet për president.
“Ai (Guaido) është politikani më i popullarizuar në Venezuelë dhe nëse zgjedhjet do të ishin tani do të kishte një rezultat tepër të mirë”, theksoi Pompeo.
Ai shtoi se SHBA-ja do të vazhdojë ta mbështesë Guaidon.
“Nikolas Maduro duhet të largohet. Gjithmonë kemi thënë se Maduro asnjëherë më nuk do të jetë në pushtet në Venezuelë”, theksoi Pompeo.
SHBA-ja nga janari i vitit 2019 e pranoi Guaidon si president të përkohshëm të Venezuelës. Por, mbështetja nga SHBA-ja dhe e 50 shteteve në botë nuk çuan deri në zgjidhjen e krizës në Venezuelë.
